Ndugu mpenzi msikilizaji ifikapo saa 11:30-11:45 jion nikipindi cha Mazingira kinachofadhiriwa na UNESCO
Tupe maoni yako
kwa sms 0788 941 947
WhtsApp 0788 941 947
Twitter @uvinzafm2
Kwa Facebook page 96.5 Fm community Radio
Pia tusikilize online kwa blog yet www.uvinzafm.blogspot.com
Link Uvinza fm is on Mixlr http://mixlr.com/uvinza-fm
'Muungano ni kwa kurahisisha huduma za Bara na visiwani'
23 Oct 2017, 11:05
Kuwepo kwa Taasisi za Muungano Visiwani Zanzibar kunadaiwa kuwa ni suluhisho la kuwezesha na kubainisha kwamba muungano upo na uliwekwa kwa misingi wa kurahisisha shughuli za wananchi wanaohitaji huduma katika taasisi hizo kwa pande zote mbili.
Serikali ya Muungano imeendelea kuimarisha taasisi zake hizo na kuhakikisha zinakuwa msadaa na kiunganishi wa wananchi wa Bara na visiwani katika upatikanaji wa huduma bora zinazotolewa na taasisi hizo.
Miongoni mwa taasisi hizo ni pamoja na Uhamiaji, Mamlaka ya Vitambulisho vya Taifa (NIDA) na Kampuni ya simu (TTCL) ambazo kwa kiasi kikubwa zinatoa fursa za ajira kwa wananchi wa pande zote mbili za muungano.
Katika mahojiano maalumu juu ya tathmini ya ziara yake kisiwani Unguja, Waziri wa Nchi, Ofisi ya Makamu wa Rais, Muungano na Mazingira, January Makamba amesema ziara hiyo imemsaidia kuona taswira mpya na kuahidi kuzifuatilia changamoto alizokutana nazo katika maeneo yote aliyotembelea.
Aidha waziri Makamba amewataka wananchi kuwa na imani na serikali zote mbili ili kufikia maendeleo yaliyokusudiwa.
Baada ya kumaliza ziara yake kisiwani Unguja, Waziri Makamba anatarajiwa kuendelea na ziara hiyo kisiwani Pemba.
Liverpool yairarua Marbior huku Tottenham ikiing’ang’ania Real Madrid
18 Oct 2017, 01:07am
Klabu ya Liverpool imeibomoa Maribor kutoka Slovenia 7-0 na kuandikisha ushindi mkubwa zaidi wa ugenini kwa vilabu vya uingereza kwenye michuano ya Ulaya.
Washambuliaji Roberto Firmino na Mohammed Salah wote walicheka na nyavu mara mbili, huku Philippe Coutinho, Alex Oxlade-Chamberlain na Trent Alexander-Arnold wakifunga goli moja kia mmoja.
Ilikuwa ni mechi ya kumbukumbu zaidi kwa Chamberlain ambaye amefunga goli lake la kwanza baada ya kuichezea Liverpool mechi nane toka alipoihama Arsenal.
Ushindi huo wa Liverpool unafunika ushindi mwengine mkubwa kwa timu za Uingereza ikiwemo 6-0 wa Leeds United dhidi ya Lyn kutoka Norway Oktoba 1969, na Manchester United dhidi ya Shamrock Rovers ya Ireland Septemba 1957.
Katika mchezo mwengine, klabu ya Tottenham imelaizimisha sare ya 1-1 dhidi ya Mabingwa Real Madrid katika uga wa Santiago Bernabeu nchini Uhispania.
Spurs walikuwa wa kwanza kupata goli baada ya mshambuliaji Harry Kane kumbabatiza defenda wa Galacticos Raphael Verane kujifunga.
Real Madrid walisawazisha kabla ya muda wa mapaumziko kwa mkaju wa penalty uliopigwa na Christiano Ronaldo baada ya Toni Kroos kuangushwa kwenye eneo la hatari.
Kwa upande wa Manchester City wameendeleza makali yao dhidi ya Napoli ya Italia kwa kuwachapa 2-1.
Washambuliaji machachari Raheem Sterling na Gabriel Jesus waliiweka mbele klabu yao kabla ya Amadou Diawara kufunga bao la kufutia machozi kwa mkwaju wa penati.
Penati ya Diawara ilikua ya pili kwa Napoli katika mchezo huo, mkwaju wa kwanza ulipotezwa na Dries Mertens.
Yanga kujipima ubavu kwa Rhino Rangers
18 Oct 2017, 07:53pm
Mabingwa watetezi wa Ligi kuu Tanzania Bara, Yanga SC leo jioni wanashuka katika dimba la Ally Hassan Mwinyi mkoani Tabora kuumana na Rhino Rangers katika mchezo wa kirafiki.
Mchezo huo ni muhimu kwa Yanga ambao wanajiandaa na mechi ya ligi kuu Tanzania Bara Jumapili hii dhidi ya Stand United, utakaopigwa katika dimba la Kambarage, Shinyanga.
Yanga wanaingia kwenye mchezo huu wakiwa wametoka kupata ushindi wa 2-1 dhidi ya Kagera Sugar katika dimba la Katiba Bukoba Jumamosi iliyopita.
Kwa upande wao maafande wa Rhino Rangers wanahitaji kuutumia mchezo huo kama sehemu ya maandalizi ya mechi zinazowakabili za ligi daraja la kwanza katika kundi A.
Mchezo huu utakufikia LIVE kupitia Azam Sports 2.
RONALDO AREJEA BERNABEU NA KICHAPO, REKODI MPYA YAWEKWA KWA REAL MADRID
/ 60 minutes ago
Mshambuliaji wa Real madrid ambaye ni mchezaji bora wa dunia Cristiano Ronaldo jana Usiku alikuwa na wakati mgumu wakati aliporejea dimbani kwa mara ya kwanza baada ya kumaliza kifongo cha kutocheza michezo mitano.
Ikiwa Nyumbani Santiago Bernabeu Real madrid walijikuta wakifungwa bao la dakika za mwisho na kupoteza mchezo huo kwa bao 1-0 toka kwa Wageni Real Betis
Licha ya kushambulia na kukosa nafasi nyingi za wazi kwa muda wote wa mchezo Real Madrid walishindwa kabisa kufunga bao na kupelekea kuvunjwa rekodi yao ya kufunga goli kila mechi wanayocheza kwa takribani michezo 73 mfululizo mara ya mwisho kushindwa kufunga ikiwa ni misimu miwili iliyopita katika mechi ya ligi ya mabingwa Ulaya dhidi ya Manchester City.
Licha ya kutengeneza nafasi zaidi ya 25 katika mchezo huo safu ya ushambuliaji ya Real madrid ikiongozwa na Ronaldo haikuweza kupata bao lolote.
EMMANUEL MARTIN YUKO TAYARI KWA AJILI YA NDANDA
/ 16 minutes ago
Kiungo Emmanuel Martin yuko tayari kwa ajili ya mchezo ujao dhidi ya Ndanda FC.
Mshambulizi huyo ambaye aliumia katika mechi iliyopita dhidi ya Majimaji ya Songea, amerejea mazoezini tokea juzi na jana tulikutaarifu.
Lakini leo ameendelea na mazoezi na inaonekana yuko tayari kwa ajili ya mechi hiyo itakayopigwa katika Uwanja wa Uhuru jijini Dar es Salaam, keshokutwa.
TCRA yasema, 'Online TV' zimerahisisha maisha
20 Sep 2017, 08:29 pm|
Mamlaka ya Mawasiliano Tanzania (TCRA) imesema kuwa nchi imepiga hatua na kuwa ya mfano wa kuigwa baada ya ongezeko kubwa la ‘Online tv’ ambazo zimekuwa na faida kubwa ikiwemo kuongeza ajira pamoja na kuhabarisha umma kwa haraka zaidi kupitia sekta ya mawasiliano.
Akizungumza jijini Dar es Salaam, leo Jumatano, Kaimu Meneja wa Mawasiliano kwa Umma wa TCRA, Semu Mwakyanjala amesema kwa sasa kuna ongezeko la watumiaji wa mtandao (Internet) wanaokadiriwa kufikia milioni kumi na nane (milioni 18) kutoka milioni tano katika mwaka 2011.
“Kwa sasa watumiaji wameongezeka zaidi hadi kufikia milioni 18, sasa humu kuna tv nyingine za mtandaoni ‘Online TV’, kutuma miamala ya simu kwa kutumiana pesa na mambo mengine ikiwemo mitandao ya kijamii kama WhatsApp na mengine,” alieleza Mwakyanjala.
Hata hivyo akijibu swali aliloulizwa na mwandishi wa habari kuhusiana na uwepo wa wingi wa tv za mtandaoni ‘Online tv’ kama ni tishio kwa usalama wa Mawasiliano?, Kaimu meneja huyo alikanusha mfumo huo kuwa tishio bali una faida nyingi zaidi.
"Mtu unaweza usiwe nyumbani kwako ila unaweza kuangalia tv, Popote upo barabarani unatakiwa kupata taarifa ‘up-to-date’ Yaani ni moja wapo ya mambo ambayo Serikali yetu imefanikiwa kuwaletea maendeleo wananchi wake kwani nchi nyingine hakuna hivi vitu."
Hata hivyo amesema, athari huenda zikawepo iwapo watu watatumia vibaya huduma hiyo.
Kuhusu baadhi ya faida zake, Mwakyanjala amesema, sekta hiyo kwa sasa imeongeza ajira na kuwa chachu ya maendeleo ya ukuaji wa uchumi.
Alisema hayo wakati wa kutoa taarifa kwa umma kuhusu ufahamu wa matumizi sahihi na salama ya mitandao ya kompyuta na Intaneti, ambapo aliweka wazi kuwa, kitengo cha dharura cha kuitikia matukio ya usalama kwenye mitandao nchini (TZ-CERT) kimepewa jukumu la Kitaifa la kuratibu matukio ya usalama katika mitandao ya kompyuta na Intaneti kwa kushirikiana na vyombo vingine vikiwemo vya kikanda na kimataifa katika kusimamia matukio ya usalama mitandaoni.
“TZ-CERT ilianzishwa kwa sheria ya Mawasiliano ya Kielektroniki na Posta ya 2010, kifungu namba 124. Kifungu namba 5(1) cha kanuni za mawasiliano ya kielektroniki na Posta na kuzinduliwa rasmi 2015. Hivyo chombo hichi kina majukumu mengi ikiwemo kufuatilia shughuli za kiusalama mitandaoni hii ni pamoja na kutoa ushauri wa kiusalama wa kukabiliana na masuala ya kiusalama. Kufanya uchambuzi na kutoa miongozo ya kitaalamu kwa umma na wadau na mambo mengine,” alieleza Mwakyanjala.
SPORTPESA YAELEZA NIA YA KUSHIRIKIANA NA SERIKALI KUUKARABATI UWANJA WA TAIFA KWA AJILI YA FAINALI ZA AFCON 2019
Kampuni ya michezo ya kubashiri nchini ya SportPesa Limited Ijumaa Septemba 13, 2017 imefanya mkutano na waandishi wa Habari kwa kushirikiana na Wizara ya Habari, Utamaduni, Sanaa na Michezo kuhusiana na zoezi linaloendelea la ukarabati wa Uwanja wa Taifa uliopo Temeke, Dar es Salaam.
Akizungumza na waandishi wa habari Mkurugezi wa Utekelezaji na Utawala wa SportPesa Tanzania, Bwana Tarimba Abbas amesema; “Tunashirikiana na serikali ya Jamhuri ya Muungano wa Tanzania kuhakikisha uwanja huu unakamilika kwani tumetafuta wataalamu ambao wamebobea katika fani hii kuhakikisha uwanja wetu unakuwa katika ubora wa kimataifa.
Kuelekea kwenye fainali za AFCON za vijana mwaka 2019 ambapo Tanzania itakuwa mwenyeji kwa mara ya kwanza, uwanja wa Taifa ambao ni miongoni mwa viwanja vikubwa na bora barani Afrika, utakuwa katika hali nzuri ikiwa ni sehemu ya maandalizi muhimu kuelekea kwenye fainali hizo.
Sisi kama SportPesa lengo letu kuu ni kuendeleza sekta ya michezo nchini Tanzania tukianzia na Mpira wa Miguu na kwa kushirikiana na Wizara ya Habari, Utamaduni, Sanaa na Michezo tunaamini tutafanikiwa kwa asilimia zaidi ya mia moja.
Naye Mkurugenzi wa Michezo wa Wizara ya Habari, Utamaduni, Sanaa na Michezo Bwana Yusuph Singo ameongeza kuwa; Tunawashukuru na tunawapongeza sana kwani kuendesha michezo sio lelemama. Kuendesha michezo ni jambo kubwa na linahitaji uwekezaji mkubwa na inahitaji pesa nyingi. Kwahiyo tunapopata wenzetu wakatusaidia, kwanza sisi kama serikali ni kuwashukuru na pia ni kufanya nao kazi kwa karibu sana.
SportPesa kwa kweli wameonesha mfano, wamejitahidi sana kudhamini vilabu mbalimbali, wametusaidia kurekebisha uwanja na kama sikosei gharama za kurekebisha uwanja zimefika takribani bilioni 1.3, ni hela nyingi sana hivyo sisi tunawashukuru na tunaendelea kuwaomba wasikate tamaa.
Kampuni ya SportPesa ambayo inajihusisha na michezo ya kubashiri nchini ndiyo mdhamini mkuu wa vilabu vya Simba, Yanga na Singida United huku ikiwa imejidhatiti katika kuhakikisha sekta ya michezo nchini inapata hadhi yake inayostahili.
Mabasi 9 yapigwa faini kwa mwendo kasi nyakati za usiku
16 Sep 2017, 11:12 am|
Mabasi saba ya abiria yamekamatwa na kutozwa faini kwa kosa la mwendokasi na kutofuata sheria za usalama barabarani huku wakihatarisha maisha ya abiria.
Kamatakamata hiyo ambayo imesimamiwa na Kamanda wa kikosi cha usalama barabarani, Fotunatus Muslim akiwa na timu ya viongozi na askari Mkoa wa Morogoro imefanyika usiku wa kuamkia leo, Jumamosi.
Zoezi la ukamataji mabasi hayo limefanyika eneo la Dumila, Wilaya ya Kilosa mkoani hapa, na lilichukua takribani saa mbili ambapo mabasi hayo yamezuiwa kuondoka hadi asubuhi huku yakitozwa faini.
Kamanda Muslim amesema jeshi hilo halitakubali kuona maisha ya watanzania yakipotea kutokana na uzembe wa baadhi ya madereva.
Amesema kikosi hicho cha usalama barabarani kimeahidi kupambana na madereva wa mabasi ya abiria hususan nyakati za usiku kwani ndiyo wamekuwa wakiendesha kwa mwendokasi huku wakidai serikali muda huo inakuwa imelala.
Mabasi ya abiria zaidi ya saba yanayofanya safari kati ya mkoa wa Mara (Musoma), Dar es salaam na Mwanza - Dar es salaam yamekaguliwa na kutozwa faini.
Muslim amesema madereva wengi wamekuwa wakifuata sheria za barabarani nyakati za mchana kwa kuhofia kukamatwa kutokana na tochi zilizopo na inapofika nyakati za usiku madereva hao wamekuwa wakitumia mwanya huo kuendesha kwa mwendo kasi.
Akizungumzia dhamira ya Polisi, Muslim amesema ni kuwalinda raia na mali zao na kuwataka askari wa usalama barabarani kuacha kufanya kazi kwa mazoea.
amesema operesheni hiyo ni endelevu na sasa itakuwa kwa nchi nzima kwa usiku na mchana huku akiwataka madereva hao kuacha kudanganyika kwa madai kuwa tochi usiku hazifanyi kazi.
"Nimekuja na slogani ya Kamata hii ni kwa wale madereva wasiotii na kufuata sheria na tutapambana nao kila wakati na nyakati zote na hiyo itasaidia abiria kusafiri salama na matumizi ya barabarani kuwa bora," amesema kamanda Muslim
Mmoja wa abiria aliyejitambulisha kwa jina la Leon Mwete, aliyekuwa katika moja ya basi yaliyokamatwa eneo hilo la Dumila amesema zoezi hilo ni zuri na linafaa kuendelea.
Amesema hii itapunguza ajali za barabarani na kwamba kwa sasa uendeshaji wa madereva wengi ni mzuri ukilinganisha na zamani.
Yanga yakamia pointi 3 Songea
16 Sep 2017, 12:03 pm|
Mzunguko wa tatu wa Ligi Kuu ya Vodacom Tanzania Bara (VPL), unaendelea leo kwa viwanja vitano kuwaka moto huku mabingwa watetezi Yanga SC ambao wako Songea wakizikodolea macho point tatu za Majimaji.
Kwa mujibu wa ratiba ya VPL, leo Jumamosi Septemba 16, 2017 Majimaji FC ya Songea itacheza na Young Africans ya Dar es Salaam, saa 10.00 jioni katika Uwanja wa Majimaji mkoani Ruvuma.
Mbao imesafiri hadi Manungu mkoani Morogoro kucheza na Mtibwa Sugar wakati Tanzania Prisons ya Mbeya itakuwa mwenyeji wa Ndanda FC kwenye Uwanja wa Sokoine.
Lipuli FC itakuwa mwenyeji wa Ruvu Shooting katika Uwanja wa Samora, Iringa wakati Stand United itacheza na Singida United kwenye Uwanja wa Kambarage, Shinyanga.
Dkt.Kashinji : Lissu amezinduka na anaendelea vizuri Nairobi
08 Sep 2017, 01:58 pm| By Jennifer Sumi MAISHA
Katibu Mkuu wa Chadema, Dkt. Vicent Mashinji, amesema kuwa mwanasheria wa chama hicho, Tundu Lissu ambaye jana alishambuliwa kwa risasi mjini Dodoma na baadaye kupelekwa mjini Nairobi, Kenya, amezinduka na anaendelea vizuri.
Akizungumza na vyombo vya habari jijini Dar es Salaam, Mashinji amesema kuwa ameongeza na Mwenyekiti wa Chama, Freeman Mbowe na kumuhakikishia kuwa Mjumbe huyo wa kamati kuu ya chama amezinduka na anaendelea vizuri baada ya sindano alizochomwa kwaajili ya kupumzika na safari kwisha.
Dkt. Kashinji amesema, damu ya Lissu ilimwagika kabla ya wakati na hivyo kuwataka makamanda na wanachama wote kwenda katika hospitali na zahanati kwaajili ya kujitolea damu.
“Tuchangie damu ili kuwe na damu za kutosha ili ziweze kusaidia wenye uhitaji,” alisema Dkt. Kashinji.
Kuhusu tukio la kupigwa risasi kwa Lissu, Dkt. Kashinji amesema halijawatisha bali limewaimarisha.
Naye Makamu wa Mwenyekiti wa Chadema Bara, Profesa Abdalla Safari, amesema wao kama wanasheria linapotokea suala la kupigwa risasi kama lililomtokea Lissu huangalia mambo makubwa mawili, imetumika silaha gani na amepigwa eneo gani, hivyo Lissu alilengwa kupigwa kifuani na kichwani hivyo walikusudia kumuua.
“Hali hii inatia simanzi , wana usalama wafanye kazi yao kwa weledi kulibaini hili,” alisema Prof Safari.
Waziri Mkuu Mstaafu wa awamu ya Tatu, Frederick Sumaye amesema, Kazi ya Serikali ni kulinda usalama wa raia, hivyo kama imeshindwa kufanya hivyo basi kuna kasoro katika uwajibikaji.
“Kwa sisi tuliokuwa kwenye uongozi kwa muda mrefu, uwajibikaji unaweza kukosekana kwa makusudi au kwa uwezo na kupanga,” alisema Sumaye
Zaidi ya Tsh. milioni 78 zatafunwa Kigoma
28 Aug 2017, 04:00 pm| By Azam News UTAWALA
Halmashauri ya wilaya ya Kigoma imebainika kuwa na matumizi ya fedha yasiyofuata sheria licha ya kupata hati safi kwa mujibu wa taarifa za Mkaguzi na Mdhibiti Mkuu wa Hesabu za serikali.
Matumizi yaliyobainika ni pamoja na manunuzi ya shilingi milioni 5 yasiyofuata sheria na malipo ya mishahara takribani milioni 78 kwa watu waliohama vituo vya kazi kwa mwaka wa fedha 2016/17.
Hayo yamebainishwa na mkaguzi wa mkoa Kassim Mdee katika kikao cha baraza maalumu la madiwani wa halmashauri hiyo kilichofanyika leo, ambapo madiwani hao wametaka dosari hizo zipatiwe majibu
Test
Mawaziri wa fedha wa nchi 18 kukutana Zanzibar Sept 8
28 Aug 2017, 06:40 pm| By Jennifer Sumi BIASHARA
Baraza la Mawaziri kutoka Umoja wa Nchi za Mashariki na Kusini mwa Afrika linaloshughulikia Udhibiti Utakasishaji Fedha Haramu, litakutana nchini Tanzania Septemba 08, 2017 katika ukumbi wa Hoteli ya Zanzibar Beach Resort, Visiwani Zanzibar.
Aidha, mkutano huo utatanguliwa na mkutano wa maafisa waandamizi (makatibu wakuu) utakaofanyika kuanzia Septemba 02 - 06 katika ukumbi wa Hoteli hiyo ya Zanzibar Beach Resort.
Kwa sasa Tanzania ndiuo Mwenyekiti wa Umoja huo kwa kipindi cha mwaka mmoja, baada ya kupokea Uenyekiti kutoka Jamhuri ya Zimbabwe iliyomaliza muda wake mwezi Agosti, mwaka huu ambapo Waziri wa Fedha na Mipango, Dkt. PHILIP ISDOR MPANGO (MB),ndiye mwenyekiti “President of the Council” atakayeongoza mkutano huo.
Katika mkutano huo pamoja na masuala mbalimbali yatakayojadiliwa, Serikali ya Tanzania, itatumia fursa hiyo kuwasilisha taarifa ya hatua iliyofikia katika utekelezaji wa mpango wa “Financial Action Task Force” (FATF) ulioasisiwa mwaka 2009.
Mpango huo ulizitaka nchi wanachama kufanya tathmini ya utekelezaji wa maazimio yaliyoainishwa kwenye FATF, katika maeneo mbalimbali yakiwemo ya kisheria, kisera, miongozo ya kitaasisi zinazohusisha sekta za fedha na maeneo ya ushirikiano wa kimataifa.
Lengo ni kubaini jinsi nchi wanachama zilivyojipanga katika kudhibiti suala la utakasishaji fedha haramu na ufadhili wa ugaidi (Anti-money Laundering and Combating the Financing of Terrorism).
Katika mkutano huo, mbinu na mikakati mbalimbali itakayosaidia kudhibiti matatizo hayo zitajadiliwa sanjari na hatua ambayo italeta matokeo chanya na kuongeza kasi ya ukuaji wa uchumi na kufikia maendeleo tarajiwa katika nchi zote wanachama.
Tanzania ni miongoni mwa nchi waanzilishi wa umoja huo ulioasisiwa jijini Arusha, mwaka 1999, pamoja na nchi za Uganda, Kenya, Mauritius, Namibia, Sychelles na Swaziland ambazo zilisaini makubaliano (Memorandum of Understanding - MOU) hayo.
Hatua ambayo ilipelekea Dar es Salaam kutajwa kuwa makao makuu ya Sekretariati ya Umoja huo wenye nchi wanachama (18) ambazo ni Angola, Botswana, Ethiopia, Kenya, Lesotho, Madagascar, Malawi, Mauritius, Msumbiji, Namibia, Rwanda, Afrika Kusini, Swaziland, Sychelles, Tanzania, Uganda, Zambia na Zimbabwe.
Test
Rais Magufuli awaongezea makali Takukuru
28 Aug 2017, 07:00 pm| By Jennifer Sumi UTAWALA
Rais John Magufuli amewataka viongozi wa Takukuru nchini kutokuwa na kigugumizi cha kuwachukua hatua wale wote watakaobainika na kuwepo kwa ushahidi wa kujihusisha na vitendo vya rushwa.
Amesema, hayo alipotembelea makao makuu ya ofisi za taasisi hiyo zilizipo Upanga na kufanya mazungumzo na viongozi na wafanyakazi wake, leo Jumatatu.
“ Kuna mambo mengi ya hovyo yanafanyika, tunahakiki pembejeo za ruzuku na kubaini madai ya bilioni 48 ni hewa,tumebaini zaidi ya wafanyakazi 19,500 ni hewa, tumebaini kaya 56,000 ni hewa zilizopaswa kupata fedha za TASAF, Tumebaini wanafunzi 5,850 waliotakiwa kupatiwa mkopo na kuna vichwa vya treni 11 vimeletwa bila mkataba na mengine mengi, ambayo yanafanyika kwa rushwa. Nataka kuwaona mnachukua hatua zinazostahiki” alisema rais Magufuli.
Rais Magufuli amewataka wafanyakazi wa Takukuru kufanya kazi zao kwa kuzingatia weledi, uzalendo na uadilifu mkubwa na kwamba serikali itafanyia kazi changamoto zinazowakabili.
Katika mkutano huo wafanyakazi wa taasisi hiyo walimweleza rais Magufuli, matatizo yanayowakabili na kuwaahidi kuyafanyia kazi yakiwemo ya maslahi pamoja na mazingira ya kazi zao.
Uvinza FM
